NAXÇIVAN MUXTAR RESPUBLİKASI
HAVA VƏ EKSTREMAL İDMAN NÖVLƏRİ FEDERASİYASI
2022-ci ilin aprel ayında Naxçıvan Muxtar Respublikası Hava və Ekstremal İdman Növləri Federasiyasının təşkilatçılığı ilə yeniyetmə və gənclər arasında Şahbuz rayonu Biçənək kəndi ərazisindəki "Fərhad evinə" 3 kilometr məsafədə mağara (spelio) idman yürüşü üzrə Naxçıvan Muxtar Respublika birinciliyi keçirilmişdir. Birincilikdə Murad Quliyev (Culfa rayonu) birinci, Babayev Xəqani (Şərur rayonu) ikinci və Seyidzadə Mirsənan (Culfa rayonu) üçüncü yerə layiq görülmüşlər. Qaliblərə Naxçıvan Muxtar Respublikası Hava və Ekstremal İdman Növləri Federasiyası, Naxçıvan Muxtar Respublikası Gənclər və İdman və Təhsil Nazirlikləri tərəfindən diplomlar, fəxri fərmanlar və hədiyyələr təqdim olunmuşdur.
30 mart 2022-ci il tarixdə Naxçıvan Muxtar Respublikası Hava və Ekstremal İdman Növləri Federasiyasının, Naxçıvan Muxtar Respublikası Gənclər və İdman və Təhsil Nazirliklərinin birgə təşkilatçılığı ilə "Zərərli vərdişlərə yox deyək, həmişə sağlam olaq" devizi altında yeniyetmə və gənclər arasında velosiped idman növü üzrə Naxçıvan Muxtar Respublika birinciliyi keçirilmişdir. Babək rayonu Uzunoba Su Anbarının ətrafında keçirilən birincilikdə ümumilikdə 24 idmançı iştirak etmişdir. Yarışda Şərur rayon idmançısı Həsənov Röyal birinci, Culfa rayon idmançısı Mikayılzadə Elvin ikinci, Kəngərli rayon idmançısı Məmmədli Davud üçüncü yerə layiq görülmüşlər. Sonda qaliblərə diplomlar, fəxri fərmanlar və hədiyyələr təqdim olunmuşdur.
