NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

Naxçıvan Muxtar Respublikası Hava və Ekstremal İdman Növləri Federasiyasının təşkilatçılığı ilə 8 noyabr Zəfər Gününün qeyd edilməsi məqsədilə 08 noyabr 2022-ci il tarixdə Federasiyanın 14 nəfər dağçısı dəniz səviyyəsindən 2415 metr yüksəklikdə olan İlandağa dırmanmışlar. Zirvədə ilk olaraq şəhidlərimizin xatirəsi bir dəqiqəlik sükutla yad edildi. Daha sonra Azərbaycanın Dövlət himni səsləndirildi.     Azərbaycan xalqını Zəfər Günü münasibətilə təbrik edirik.

 

Naxçıvan Muxtar Respublikası Hava və Ekstremal İdman Növləri Federasiyasının və Türkiyə Dağcılık Federasiyasının birgə təşkilatçılığı ilə 2022-ci il 06 noyabr tarixində Federasiyanın üç nəfər və Türkiyənin altı nəfər dağçısı 8 noyabr Zəfər Gününün qeyd edilməsi məqsədilə Türkiyənin Qars şəhəri yaxınlığındakı 3150 metr yüksəkliyi olan Allahu Əkbər dağına yürüş etmişlər. Dağın zirvəsində Azərbaycanın və Türkiyənin bayraqları açılmış, şəhidlərin xatirəsi bir dəqiqəlik sükutla yad edilmiş və hər iki ölkənin himnləri səsləndirilmişdir.