NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

30 iyul 2020-ci il tarixdə Naxçıvan şəhəri Sahil Parkında velosiped idman növü üzrə yarış keçirilmişdir

Naxçıvan Muxtar Respublikasının Gənclər və İdman Nazirliyi və Naxçıvan Muxtar Respublikası Hava və Ekstremal İdman Növləri Federasiyasının birgə təşkilatçılığı ilə Naxçıvan Muxtar Respublikasının həvəskar gəncləri arasında  Naxçıvan Muxtar Respublikasında Hava və Ekstremal İdman Növlərinin tanıdılması və inkişaf etdirilməsi, kütləviliyinə nail olunması məqsədi ilə 30 iyul 2020– ci il tarixdə Naxçıvan şəhəri Sahil Parkında  velosiped idman yarışı üzrə Naxçıvan Muxtar Respublika birinciliyi keçirilmişdir. 16 yaşından yuxarı gənc oğlanlar arasında keçirilən yarışda 40-dan çox idmançı iştirak etmişdir.Yarışın nəticələrinə əsasən Kəngərli rayon təmsilçisi Abdullayev Süleyman I yerə, Babək rayon təmsilçisi  Məhərrəm Çingizoğlu  II yerə, Culfa rayon təmsilçisi Qasımov Zeynal  III yerə layiq görülmüşlər. Qaliblər Naxçıvan Muxtar Respublikası Gənclər və İdman Nazirliyinin və Naxçıvan Muxtar Respublikası Hava və Ekstremal İdman Növləri Federasiyasının diplom, fəxri fərman və qiymətli hədiyyələri ilə mükafatlandırılmışlar.

25 iyun 2020-ci il tarixdə “26 iyun-Silahlı Qüvvələr Günü” münasibətilə gənclər arasında suni divara dırmanma idman növü üzrə muxtar respublika birinciliyi keçirilmişdir.

 

25 iyun 2020-ci il tarixdə “26 iyun-Silahlı Qüvvələr Günü” münasibətilə gənclər arasında suni divara dırmanma idman növü üzrə muxtar respublika birinciliyi keçirilmişdir.
Birinciliyin keçirilməsində məqsəd “26 iyun-Silahlı Qüvvələr Günü” nün qeyd olunması, Naxçıvan Muxtar Respublikasında hava və ekstremal idman növlərinin tanıdılması və inkişaf etdirilməsi, fəal idmançıların müəyyənləşdirilməsi, onların federasiyanın yığma komandasına daxil edilməsi olmuşdur.
Suni Divara Dırmanma Mərkəzində keçirilən yarışda 19 nəfər idmançı iştirak etmişdir. Gərgin və maraqlı keçən rəqabətin sonunda oğlanlar arasında Əliyev Yasin I, Nəcəfov Şirxan II, Yaqubov İsmayıl III, qızlar arasında Abbaslı Fatimə I, Paşayeva Nuray II, Cəfərova Əfruz III yerin sahibi olmuşlar.
Qaliblər təşkilatçılar tərəfindən diplom və qiymətli hədiyələrlə mükafatlandırılmışlar.