NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

19 fevral 2019-cu il tarixdə Naxçıvan Muxtar Respublikası Gənclər və İdman Nazirliyi ilə Hava və Ekstremal İdman Növləri Federasiyasının birgə təşkil etdiyi gənclər arasında ekstremal yürüş üzrə muxtar respublika açıq birinciliyinə yekun vurulub.
“Naxçıvan Muxtar Respublikası - 95” devizi altında təşkil edilən yürüş Culfa rayonu Turab çeşməsində Hacadağın ətəyinədək keçirilib. 3 min metr məsafədə keçirilən yarışda oğlan və qız idmançılar mübarizə aparıb.
Yekun nəticəyə əsasən, qızlar arasında Dünya Əmrahlı qalib adını qazanıb. Gülayə Cəfərova və Telli Abbasova isə finiş xəttinə ikinci və üçüncü yerdə çatıblar.
Oğların mübarizəsində isə Əmrah Nağıyev hamıdan sürətli qaçdığını bir daha nümayiş etdirib. Abbas Babayev ikinci, Əkbər Mehdiyev üçüncü olub.
Qaliblər nazirliyin diplomları, federasiyanın isə fəxri fərman və hədiyələri ilə mükafatladırılıblar.
Sonda idmançılara Haçadağ haqqında məlumat verilib və çay süfrəsi təşkil olunub.

08 fevral 2019-cu il tarixdə Culfa Rayon Gənclər və İdman İdarəsinin, Təhsil Şöbəsinin və Naxçıvan MR Hava və Ekstremal İdman Növləri Federasiyasının rayon bölməsinin birgə təşkilatçılığı ilə Culfa Rayon Bayraq Meydanı istiqamətindən Culfa Rayon Gülüstan Tarix-Mədəniyyət Qoruğu istiqamətinədək “Naxçıvan Muxtar Respublikası-95” devizi altında yeniyetmələr arasında velosiped idman növü üzrə rayon turniri keçirilmişdir.
Turnirdə 45 idmançı iştirak etmişdir. İlk öncə Culfa Rayon Gənclər və İdman İdarəsinin baş məsləhətçisi Elçin Cəfərov, Hava və Ekstremal İdman Növləri Federasiyasının rayon bölməsinin sədri İsmayıl Feyziyev və Təhsil Şöbəsinin əməkdaşı Səbuhi İbrahimov çıxış edərək keçirilən yarışın mahiyyətindən, idmana göstərilən diqqət və qayğıdan və idmanın bu növünün rayonda inkişaf etdirilməsi istiqamətində görüləcək işlərdən tədbir iştirakçılarına ətraflı məlumatlar verilmişdir.
Yekunda Culfa şəhər 3 nömrəli tam orta məktəbinin şagirdi Elnur Əhmədov qalib olub. Gülüstan kənd tam orta məktəbinin şagirdi Zeynal Qasımov ikinci, Culfa şəhər 1 nömrəli tam orta məktəbinin şagirdi Sunay Vəlixanov isə üçüncü yerlə kifayətlənib.
Qalib və fərqlənən idmançılara təşkilatçılar tərəfindən diplom və hədiyyələr təqdim edilmişdir.Tədbirin sonunda idmançılar rayon ərazisində fəaliyyət göstərən Culfa Rayon Gülüstan Tarix Mədəniyyət Qoruğuna ziyarəti təşkil edilmişdir. Burada idmançılara türbənin tarixi haqqında ətraflı məlumatlar verilmişdir.